خىتاي تاجاۋۇزچىلىرى سەيپىدىن ئەزىزنىڭ كىتابلىرىنى ئوقۇشتىن چەكلىدى

خىتاي تاجاۋۇزچىلىرى سەيپىدىن ئەزىزىنىڭ كىتابلىرىنى  چەكلىدى

ئۇيغۇر نىداسى تور رادىئوسى خەۋىرى:

شەرقىي تۈركىستاندىن كەلگەن ئۇچۇرلاردا مەلۈم بولۇشىچە، خىتاي تاجاۋۇزچىلىرى ئۈچۈن جان كويدۇرۇپ خىزمەت قىلغان سەيپىدىن ئەزىزىنىڭ شەرقىي تۈركىستاندا نەشىر قىلىنغان  «سۇتۇق بۇغراخان»،  «تەڭرىتاغ بۈركۈتى»،«سەيپىدىن ئەزىزى شېئىرلار توپلىمى»، «كۈرەشچان يىللار»،«ھايات تەلقىنلىرى» قاتارلىق ئەسەرلىرى قانۇنسىز نەشىر بۇيۇملىرى قاتارىدا چەكلەشكە ئۇچرىغان. شۇنىڭ بىلەن بىللە  يەنە ئاتاقلىق يازغۇچىلىرىمىزدىن   جالالىدىن بەھرامنىڭ «لېيىغان بۇلاق»، ئابدۇۋەلى ئەلىنىڭ «بەدەۋلەت» ، «قايتماس يول»،«غەزەپلەنگەن قايدۇ دەرياسى»، «قەشقەر غوجىلىرى»،«مەختۇم ئەزەم ۋە ئۇنىڭ كېيىنكى ئەۋلادى»،«ئاپپاق غوجا»،«رەنجى غوجا»، تۇرسۇن ئەرشىدىننىڭ «دادام ئېيتقان ھېكايە» قاتارلىق ئەسەرلىرىمۇ قانۇنسىز نەشىر قىلىنغان ئەسەرلەر قاتارىدا  چەكلەنگەن بولۇپ،30-ئاپرىلغىچە ئۆيمۇ-ئۆي كىرىپ يىغىۋېلىش تەلەپ قىلىنغان.

دېمەك خىتاي تاجاۋۇزچىلىرى 21-ئەسىردە شەرقىي تۈركىستاندا ئېلىپ بېرىۋاتقان زۇلۇم سىياسىتى نەتىجىسىدە خەلقىنىڭ پىكىر قىلىش، ئويلاش،بايان قىلىش تەلۋىنىڭمۇ دەپسەندە قىلىنىۋاتقانلىقىنى كۆرۈۋالغىلى بولىدۇ.