خىتاي تاجاۋۇزچىلىرىنىڭ بىرنى كۆتىرىپ، مىڭنى ئۆلتۇرۇش ئۇسۇلى
ئارتۇچ بۇغرا
تاجاۋۇزچى،قانخور خىتاي تاجاۋۇزچىلىرى ئەزىز ۋەتنىمىز شەرقىي تۈركىستاندا ئېلىپ بېرىۋاتقان ئىشخالىيىتى داۋامىدا يۇمشاق ۋاستىلەرنى قوللىنىپ، ئالداش، ساختا مىھرىبان ئوبرانى ئويناپ كەلدى.
شەرقىي تۇركىستانغا دەسلەپ بېسىپ كىرگەن چاغلاردا، گومىنداڭ ھۆكۈمىتىگە قارشى ئىكەنلىكىنى ئىپادىلەپ، ئۇلارنى قوغلاپ چىقارغان ھامان شەرقىي تۈركىستاندىن چىقىپ كېتىدىغانلىغىنى ۋەدە قىلىدى.
خەلقىمىزنى ئالداش ئۈچۈن، ئالدى بىلەن مەھەللە -مەھەللىنى تازلاپ تازلىق ئىشلىرى بىلەن ئىشقا كىرىشتى.
ئاندىن بۇغداي ئورۇش، ئوتۇن كېسىش ،كېسەل داۋالاشقا ئوخشاش ئۇسۇللار بىلەن خەلقىمىزگە ئوزىنى ياردەمچى قىلىپ كورسەتتى . نادان خەلقىمىز قويدىن يۇۋاش، بىكارلىق ئەمگەك كۇچلىرى ئوخشايدۇ دەپ قالدى.
ئەمما ھىلگەر خىتتاينىڭ 40مىڭ كىشلىك شەرقىي تۈركىستان ئارمىيىسىنى قورالسىزلاشتۇرۇشتا ئىشلەتكەن ھىلە ئىكەنلىكىنى بەكمۇ كېچىكىپ ھىس قىلىشتى.
يېقىنقى زامانلاردا بولسا ئۆز خەلقى ئىچىدىمۇ «ئۆلگەنلەردىن ئۈگىنىش »دولقۇننى قوزغاپ كەلدى.
مەسلەن:«لى فىڭدىن»، «ۋاڭ گۇۋاڭ رۇڭ»،«جاڭ خەي دى» قاتارلىقلارنىڭ روھىدىن ئۈگىنىش دولقۇنلىرنى شەرقىي تۈركىستاندا مەجبۇرى يۇرگۈزۇپ تۇردى.
ھەر يىلى«ماي» ئېيىنى مىللەتلەر ئىتىپاقلىقى ئېيى قىلىپ بەلگىلەپ، مەجبۇرى ھالدا ئۇيغۇرلارنى خىتايلار بىلەن دوستلۇق مۇناسىۋىتى ئورنىتىشنى ۋە ساختا دوستلارنى مۇكاپاتلاشنى داۋاملاشتۇرۇپ كەلدى.
2009-يىلى«5-ئىيۇل»قىرغىنچىلقىدىن كېيىن، قىلغان قىلمىشلىرىنى يېپىش ئۈچۈن يەنە بىر قاتار ساختا مېھرىبانلىق ئۇيۇنلىرىنى ئويناشقا باشلىدى.
شەرقىي تۇركىستان ئىشخالىنىڭ خىتاي تاجاۋۇزچىلىرى ۋەكىلى قانىخور،جاللات جاڭ چۇنشىيەن 2011– يىلى 20 – يانۋار چۈشتىن كېيىن ئۈرۈمچى ۋاقتى سائەت 4 دە ئوزلىرى تەرپىدىن ياساپ چىققان «ئالىمجان خالىق» دېگەن ئۇيغۇرنى داغدۇغلىق قارشى ئالىدى.
ئۇ خەۋەردە مۇنداق يازىدۇ: جاڭ چۈنشيەن بېشىغا بادام دوپپا كىيگەن ، قويۇق ساقال-بۇرۇت قويغان بىر ئۇيغۇر كىشىنى قولىدىن يېتىلىگىنىچە كىرپ كەلدى.
پاھ !خىتاي ھەجەپ ئۇيغۇرغا ساقال-بۇرۇت ،دوپپا كەيدۇرۇپ ئۇيغۇرلىغىنى گەۋدۇلەندۇرۇپ قاپتۇيا؟
ھەجەپ نەچچە مىليون پۇل سەرىپ قىلىۋاتقان، ئۇيغۇر بايلار بار ئىدى ئۇلارنى ماختاپ كوتۇرمەي بۇ 100مىڭ يۇەن ئىئانە قىلغان بۇ ئۇيغۇرنى كوتىرىپ قاپتۇيا؟
بۇ ئۇيغۇر تاپقان ئازغىنە پۇلىنى خىتاي ئوقۇغۇچىلارغا سەرىپ قىلىپتۇ. باشقا ئۇيغۇرلار ئۆز يۇرتلىرىغا، ئۇيغۇر ئوقۇغۇچىلارغا سەرىپ قىلىپتۇ.
پەرقى شۇمۇ يا ؟مىليون پۇلدىن ئاز قىسمىنى خىتاي ئۈچۈن خەجلىسەڭ بولامتىيا ھەي ئۇيغۇر!
سۆھبەت تازا ئەۋجىگە چىققاندا، جاڭ چۈنشيەن قولىغا بىر قىزىل بولاقنى ئېلىپ ئالىم خالىققا تەڭلەپ تۇرۇپ مۇنداق دېدى:
— مەن بۈگۈن سىزگە ئاز بولسىمۇ 10 مىڭ يۈەن پۇل ئېلىپ كەلدىم، بۇ پۇل ھۆكۈمەت پۇلى ئەمەس، بەلكى مەن ۋە ئائىلەمدىكىلەرنىڭ شەخسىي كۆڭلى. بۇ پۇلنىڭ 5000 يۈەنىنى ئانىڭىزغا ئالغاچ بېرىڭ، قالغان 5000 يۈەنىنى كەلگۈسى توي قىلىدىغان لايىقىڭىزغا بېرىڭ. ھە راست، لايىق تاپقاندا چوقۇم مەن بىلەن كۆرۈشتۈرۈڭ، مەن سىلەرنى مېھمان قىلىمەن. ئۈرۈمچىنىڭ ھاۋاسى بەك سوغۇق، شۇڭا بۇ قىشلىق چاپاننى كىيىۋىلىڭ، بۇ بىزنىڭ ئائىلىدىكىلەرنىڭ سىزگە قىلغان كۆڭلىمىز.
پاھ! بۇ خىتاي ۋاڭ دىن مەرتمۇ نىمە ئۆيدىكى پۇلنى ئېلىپ كەپتۇ، تېخى كونىراپ كەتكەن چاپىنىمۇ باركەن ئەمەسمۇ؟نىمىدىگەن سېخى خىتاي بۇ ، ۋاڭ غا قارىغاندا تېخمۇ ھېلىگەرلىگى يۇقىردەك تۇرىدۇ. مانا خىتاي دىگەن كۈندە بىر ھىلە-مىكىر ئىجات قىلىدۇ دىگىنى بىكار ئەمەسكەندە.
خىتاي مانا سەندەك سادىق ئۇيغۇرنى مۇشۇنداق مۇكاپاتلايمەن.سادىق بولماي بىزگە ئوخشىيالمىساڭ جازالايمەن. دىگەن ئۇچۇرنى بەرمەكتە ئىدى.
«ئالىمجان ئىش-ئىزلىرى ›› سەھنە ئەسەرلىرىنى تونۇشتۇرۇش مۇراسىمى 2011 -يىلى 1-ئاينىڭ 21-كۈنى سەنئەت يۈرتى تىياتىرخانىسىدا ئوينالدى.
20-چسلا جاڭ چۇنشيەننىڭ كورۇشىشى،21 -چىسلا سەھنە ئەسىرى تونۇشتۇرۇش مۇراسىمى ئوتكۇزۇلشى بۇ ھەجەپ ماسلاشتۇرۇلغان ئىشلار ئەمەسمۇ؟
بۇ يەنىلا دانان خەلىقىنى ئالداش ئۇسۇلى خالاس.
ئەمما خەلقىمىزمۇ 63يىلىدا كۆپ ئىسىق سوغۇقلارنى بېشىدىن ئۆتكۇزۇپ چېنىقتى.
خىتاي تاجاۋۇزچىلىرنىڭ ھىلىگەرلىگىنى تونۇپ يەتتى.
ئالىمجان خالىققا ئوخشاش ئارتىسلارنى تازا ياخشى تونۋېلىشتى.
تارىخمىزدا بۇنداق ئارتىسلار خېلى كۆپ چىققان ئىدى ھەم يەنە چقىرىش ئۈچۈن داۋاملىق ئىزدىنىۋاتىدۇ.
خەلقىمىز ئىچىدىن ئاز بىر قىسىم ئالىمجان خالىققا ئوخشاش، خىتايغا ياخشىلىق قىلىپ بېيىشنى مەقسەت قىلغانلاردىن باشقىلار خىتاينىڭ ھەققى ماھىيىتىنى چۇشىنىپ دېپىغا ئۇسۇل ئوينىماس بولدى.
دىمەك، خۇلاسە بىز ھەر دائىم خىتاينىڭ ھىلە-نەيرەڭلىرىگە قارشى ھۇششيار ھالەتتە تۇرساق، ئۇنىڭ قۇرغان قاپقانلىرىغا چۇشۇپ كەتمەيمىز.
ئاللاھ بىزلەرنى زالىمغا قارشى ئىمانىمىزنى مۇستەھكەم قىل، ئۇنىڭ ھىلە- نەيرەڭلىرىنى سېزەلەيدىغان، بىلەيدىغان ئەقىل پاراسەت بەر،ئۇنىڭ بىز ئۈچۈن قۇرغان ھىلە -مىكىرنى سەن بەربات قىل ، زالىملىغا قارشى بىزنى ھەر ۋاقىت تەييار تۇردىغان سابىت قەدەم ئالدىغان قىل !
ئامىن!!!!!
2012-يىلى 10-ئاي ستوھخولۇم
